Кöк Хайада толдыра синнiг футбол чазызы пайрамни азылды

Кöк Хайа аалда толдыра синнiг профессиональнай искусство тöзеглiг футбол чазызын пайрамни азарында араласханнар:

Хакасияның пазы - Хакасияның Правительство кнезi Виктор Зимин, Хазна Думазының депутады Надежда Максимова, Хакасияның спорт министрі Валерий Денщиков паза Алтай аймааның пазы Владимир Понамаренко.

Пу осхас объекттер пис чыл аразына Ағбанда, Харатаста, Саяногорскта паза Асхыста пÿдiрiлгеннер.

2009 чылдаң саназа, кiчiг футбол чазыларынаң хада пу 14-ҷi искусство тöзеглiг ойнаҷаң ачых республикада азылған.
– Андада пiс позыбысха пöгiн турғыс салғабыс – артых паза маңнаныстығ поларға. Оларның санында пiстiң спорт объекттерiнiң проекттерiн чылдырғаны, федеральнай министерство-ведомстволарында финансированиенi арачылиры. Пiс прайзы хада чахсы салтарларға читкебiс. 7 чыл аразына республикада 100 чағын спорт объекттерi пÿдiрiл парған. Оларның аразында ööнi – Тӧӧ пазындағы спорт кіні. Пу пÿдiрiг Россия Президентiнiң хабазиинаң идiлче, - тiп таныхтаан Виктор Зимин.

Регион устағҷызы футбол чазызы кiчiглерге дее, улуғларға даа кирек полар тiп iзенезiн таныхтаан.
– Пу спорт комплексi аннаң андар тилiп одырзын паза спортсменнерге, «ағырчатханнарға», аал чуртағҷыларына туза ағылзын. Хакасияның спортча сабланызын кöптелдiрзiн! – чооғын тоосхан Хакасияның пазы.


Пасха сомнарын МЫНДА кöрiп аларға чарир.